Popularne wersety biblijne z Maariko 9

Udostępnij

Yëësu akamohonshora igha, “N-kwakë oghambirë igha, ‘Nyoore notora?’ Ömöntö ono akukumya Waryobha, nkotora arë ghonswe igho.”

Kamwë igho suwaabho omoona uyö, akakuura bhököngʼu igha, “Nkukumya ndë! Kasi umukumo ughwane tighukwisa hë, otankora mbe na umukumo omonene.”

Mbe, hano Yëësu yaasöhirë mu-nyumba, abheegha abhaaye bhakanyoorra-ho umweya ughwa ökömöbhöörya igha, “N-kwakë bhëëtö bho twaarë tökërrwë ukwata risambwa riyö?” Yëësu akabhahonshora igha, “Risambwa kya riyö, tirikwatwa na engʼana yoyonswe igho hë, kasi na-masabhi ngo ghakuryata.”

Ömöönyö n-këntö ikiiya, kasi hano ömöönyö ghoraabhorwe obhosambaaroku, n-kë kekaatoorwa-mo ghosambaaroke? Kora na bhëënyu bhonswe ni-igha mobhe kya ömöönyö ghono ghokosambaarokya. Mobhe na ubhwighwerrani abheene ko abheene.”

“Ömöntö wowonswe igho ono akösërëënia omoona kya ono ku iriina iryane, uyö nö-öni ukunyoora aikërëëyi. Ghwiki ömöntö ono akunyikërrya, tö-öni umwene igho ukunyoora aikërëëyi hë, kasi obhoheene nkunyoora örë aikërëëyi Waryobha ono yaantoma.”

Ömöntö wowonswe igho ono araabhahaane amanshë agha ukunywa ko bhoora igha m-bantö abha Kiristo mörë, no-bhoheene nkobhatëëbhya igha, ömöntö uyö, Waryobha narimutuha.”

Yëësu akaghëndërrya okoghamba igha, “Kasi hano ömöntö araakore ömwë uwa bhano bhataraakongʼa ku-mukumo asire, kora akore ëbhëbhë, nyakara ömöntö uyö, abhoherwe mö-bhëghöti oroghena oronene urwa okoseera, arekerwe mu-nyansha.

Hano iriiso iryaho reraakokorerre okore ëbhëbhë, resomore. Nyakara osohe mo-Bhokama ubhwa Waryobha oona eketongʼo, okokera okobha na amaiso abhërë ghonswe igho, omare otabhutwe mo-morro ghotakurima.