Popularne wersety biblijne z S. Matiu 5

Udostępnij

Anun mukhune mu lampu radege, anun e sa a sa debena bun, fo a dokho sena fari, anun a degemane birin kha nakhe bankhi ni. E mayelanna kha mayilen na ki ni mukhune yera, alogo e kha e kewali fanyine to, anun e e Fafe matokhomane nakhan arianna ni.

Dunia mayelan etan nan na. Tai nakhan tikhi geai fari mi lukhunye.

E dubakhi nakhe khakhille serienkhi, katugu e ALLA tomane.

E dubakhi fe tinkhinna a kame nun a minkholla nakhe sukhuma, katugu e lugomane.

Kono intan a fala e kha, i yakhune kha rafan i ma; anun nakhe i toroma, i kha sali e kha

E dubakhi nakhe ni magodokhi, katugu etan nan gbe arianna mangeyana ra.

E dubakhi nakhe findi tagi‐ba‐mukhune: katugu etan nan khillimane ALLA dine.

E dubakhi nakhe torokhi; katugu e madendenmane.

E dubakhi nakhe bata toro fe tinkhin a fe ra: katugu etan nan gbe arianna mangeyana ra.

E dubakhi nakhe kininkininma, katugu e kininkinin sotomane.

E dubakhi mukhune na e rayagi, anun e na e toro, anun e na kansun siya dama sa e khun ma intan ma fe ra. E nyankhan anun e sewa ki fanyi; katugu e kontonna gbo arianna ni, katugu onabine nakhe e ye ra e ne fan toro na ki ni.

E dubakhi nakhe makhumbelikhi: katugu etan nan dunia sotomane

Dunia fokho etan nan na, kono kha fokho bata bekhi, nanse a makhatema? a mu fefe fanmane sono, fo a rawolai, anun mukhune luma a mabodonye e sanne bun.

Etan serienmane alo e arianna Fafe serienkhi ki nakhai.

Kono e falana kha lu, yo, yo, mai, mai, anun nakhan o nakhan na dangu itoe ra, a nyakhina gbe nan a ra.

E batayi a me a falakhi, ye keden a nyokhon ye keden, nyin keden a nyokhon nyin keden, Kono intan a fala e kha, i na ma a nyakhina nyokhon sa, kono nakhan o nakhan na i yifari ma khadena garin, bona fan nafindi a ma.

Anun kha i yifari ma yena nan i rabirama, a rate anun i a rawolai, katugu a fisa ia se keden kha kala i fatina ma, anun i fatina dama na ma sa bira yahanama ni. Anun kha i yifanna nan i rabirama, a sege a ra anun a rawolai, katugu a fisa ia se keden kha kala i fatina ma, anun i fatina dama na ma siga yahanama ni.