Popularne wersety biblijne z Matius 27

Udostępnij

Panewa rata jam togo etu, i Yesu maroso looNya kaboo, Ia manganto’o, “Eloi, Eloi, lama sabatani?” Wali batuang nu gomboNya etu, “AllahngKu, AllahngKu, maka pei Komi mampiyaika Aku?”

Pasi gete, tempo etu semo kodi majoli rindi ronto ri raya banua i mPue Allah nja’u raya ngkota, rindi ronto etu rasia dua yau yako ndate wawonya rata la’u aranya! Pasi mawali lengko tana pasi watu-watu to bose magoa yau. Pasi ri tempo etu dayo-dayo tiloka. Panewa yako etu, tempo i Yesu roomo rawangu muni yako ri kapateNya, tempo etu boros tau to Makolenya i Pue Allah pei to namatemo, sira rawangu muni seja yako ri kapatenya. Roo see sira mampiyaika dayo nsira to tiloka etu pei masua ri raya ngkota Yerusalem, kota to i Pue Allah puenya, pasi sira mampapokitaka boros tau to ndate ria koro nsira.

Wali yako etu i Yesu maroso looNya kaboo wo’u panewa Ia mampakapura nosaNya.

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

Wali tempo i Yesu re’ewa rapaku ri kaju pasape, yako ntongo eo rata jam togo rede eo, juku tana etu mawuri rao.

Panewa i Pilatus mampotanaka wo’u, to’onya, “Wali ane i Barabas daralapa, kesaa dakuika resi i Yesu to rato’oka Makole ngkomi to naparajanjika i mPue Allah komi?” Wali sira samparia mangansono, “Paku Ia ri kaju pasape!” Pei i Pilatus manganto’o, “Maka pei komi rani mangika palaong to etu? Kesaa anu to maja’a inikaNya?” Pei tau boros etu ojo maroso wo’u loonya sakaboo manganto’o, “Paku yaumo Ia ri kaju pasape!”