Popularne wersety biblijne z Matius 15

Udostępnij

Pei gombo to masuwu yako ri nganga ntau, gombo etu masuwu yako ri raya sia ntau. Wali gombo etu semo to mampakarikasika raya ntau ri pangkita i mPue Allah. Apa ri raya sia ntau re’e mampobuuka anu to maja’a sampe napolengkoka anu to maja’a etu, ewamo mampopate sa’e, masala, magoyal, malima, mawali matamanasa to taa monso, pasi manto’o maja’a sa’e.

Apa tau nempo magege palenya tempo mangkoni, si’a palaong to etu mampakarikasika rayanya ri pangkita i mPue Allah. Apa si’a anu to masua ri raya ntau to mampakarikasika rayanya ri pangkita i mPue Allah. Pei gombo to masuwu yako ri nganga ntau etu, etu semo to mampakarikasika rayanya.”

‘Tau si’i mampoanika mampue mampakabae Aku, pei kamonsonya sira mampakabae Aku ojo ri nganganya, pei rayanya longko yako resi Aku. Wali tau to ewa wetu tare batuanginya mampue resi Aku, apa ane sira mampoguruka tau, sira ojo mampoanika mampoguru tuntu i mPue Allah, pei kamonsonya anu to napoguru nsira etu ojo ada nto lino.’ Wali etu semo to nato’o i Yesaya mangkonong komi.” Wali ewa wetu nato’o i Yesu mampakanasaka tau etu ojo gombo nsira to manoto. Apa sira mampakasala kami to anaguru i Yesu, pei kamonsonya si’a porenta i mPue Allah to naliunaka mami etu, ada nto lino semo.

Wali i Yesu mangansono tau we’a etu, to’oNya, “Indo, bae kojo pangayamu! Wali pamporani ngkorom etu damawali.” Wali tempo i Yesu manganto’o gombo etu, tempo etu semo ana ntau we’a etu rapakatao muni.

Wali tau we’a etu yau mambokotu ri tango i Yesu pei manganto’o, “Pue, sawang aku!” Pei i Yesu mangaligi ia, Ia manganto’o, “Taa masipato pangkoni to nakoni nu ngana mayunu pei daratasoka yau asunya.” Ewa wetu sono i Yesu resi tau we’a to Kana’an to si’a to Yahudi etu. Ia manganto’o gombo etu see to we’a etu mangansani masipato to Yahudi semo to uyunya isawangiNya. Wali tau we’a etu manasanya tau to si’a to Yahudi semo raporapaka ewa asu, wali ia manganto’o, “Monso pu’u Pue, pei ane pangkoni to toronya to nakoni ntau puenya pei maranta bara la’ara meja, pasiwa asu maya seja mansaka mangkoni.”