Popularne wersety biblijne z Matius 12

Udostępnij

Pei Aku manganto’oka komi, ane ratamo temponya i Pue Allah damangabotus samparia gombo nto lino, tempo etu tau samba’a pei samba’a damangansono pampotanaka i mPue Allah mangkonong samparia gombo to tare batuanginya to roomo nato’o nsira. Apa ewa wua ngkaju mampakanasa kaju etu bara matao bara maja’a, ewa see seja gombo to nuto’o ngkomi samba’a pei samba’a ri tempo si’i, gombo etu semo to damampakanasa ri tempo to darata komi bara re’e sala to masipato rahuku bara tare.”

Gete, komi sewaju kaja’anya pei ule to kayangu ngisinya apa komi sangkani mampoja’a tau! Komi taa kojo nukoto manganto’o gombo to matao. Apa raya ngkomi maja’a, pasi ewa wimba raya ntau, etu semo mawali pu’u nu gombo to masuwu yako ri nganganya.

Wali tau to matao, ia mampobuuka anu to matao, see naka matao seja gombo ntau etu. Pei ane tau to maja’a, ia mampobuuka anu to maja’a, wali see naka maja’a seja gombo ntau etu.

“Wali see naka Kuto’oka komi ewa si’i. Samparia dosa to naika nto lino pasi samparia gombo nsira to manto’o maja’a sa’e, samparia to etu maya nalapas i mPue Allah. Pei ane tau to manto’o maja’a i Nosa Mapasing, dosa etu taa daralapas.

Wali yako etu i Yesu manganto’oka wo’u to Yahudi to aliran Parisi rapa, Ia manganto’o, “Wali mangkonong kaju to mawua, kita mangansani ane kaju matao, matao seja wuanya. Pasi ane kaju maja’a, maja’a seja wuanya. Wali yako ri wua ngkaju semo naka pei kita mangansani kaju etu bara matao bara taa.