Popularne wersety biblijne z रोमियों 3

Udostępnij

किजोकी सारेयां ने पाप कित्तेया ते परमेश्वर री महिमा का दुर होई गेरे हिन। पर अवे परमेश्वर ने अपणे अनुग्रह री वजह कने असा जो धार्मिक ठैहराया। ते तिन्हा ने असा जो मसीह यीशु रे जरिये असा रे पाप्पां री सजा का मुफ्त बिच अजाद कित्ता।

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

परमेश्वर ने मसीह जो असा रे पाप्पां री कीमत चुकाणे तांइ कुर्बान होणे तांइ भेज्जेया। मसीह ने अपणा खून बहाई करी अपणी जान देई दित्ती, ताकि असी तिन्हा पर विश्वास करणे कने परमेश्वर रे नेड़े आई सकण। ते परमेश्वर ने ए सारा किच्‍छ ए दिखाणे तांइ कित्ता, कि पैल्ले जमाने बिच से पापी लोक्कां कने सबर कने रैह्णे बिच, ते तिन्हा जो माफ करणे बिच धार्मिक थिये जे मसीह यीशु बिच विश्वास करदे, बल्कि अब्बे ही परमेश्वर री धार्मिकता ज़ाहिर होई जाओ, जिस कने से अप्पु ही धार्मिक ठैहरे, ते जे मसीह यीशु बिच विश्वास करदे होण, तिन्हा जो भी धार्मिक ठैहराणे वाले होण।

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

जिय्यां कि पवित्रशास्त्र बिच लिख्खे रा है, “कोई भी मणू परमेश्वर रे सामणे धार्मिक नी है, इक्क भी नी। कोई भी मणू समजदार नी है, कोई भी मणू परमेश्वर जो जाणना नी चाह्‍ंदा। सारे मणूआं परमेश्वर रे रस्ते जो छड्डी दित्ते रा है, हर इक्क मणू निकम्मा बणी गे रा है, इक्क भी मणू खरा कम्म करणे वाला नी है, इक्क भी नी।

ते ए गल्ल साफ है कि परमेश्वर कुसकी भी मणू जो मूसा रे कानून ते नियमां जो मनणे कने नी पर मसीह बिच विश्वास करणे कने धार्मिक ठैहरांदे।

हालांकि, हर कोई झूठ्ठा है, पर परमेश्वर हमेसा सच बोलदे। जिय्यां कि पवित्रशास्त्र बिच परमेश्वर रे बारे बिच लिख्खे रा है, “जिस कने तू अपणी गल्लां बिच सही साबित हो, ते लोक्कां रा हिसाब लिंदे बेल्ले तू जीत हासिल करे।”