Popularne wersety biblijne z रोमियों 1

Udostępnij

किजोकी मैं मसीह रा सुब बसेख सुनाणे बिच गर्व करदा। ए सुब बसेख परमेश्वर री से ताकत है जिनिए पैल्ले यहूदी लोक्कां जो छुटकारा दित्तेया, ते अवे गैर यहूदियां जो भी छुटकारा देया करदे हिन।

किजोकी सुब बसेख रे जरिये परमेश्वर तिस हर इक्क मणू जो धार्मिक बणांदे, जे पूरे तरिक्के कने सुब बसेख पर विश्वास करदे। जिय्यां कि भविष्यद्वक्ता ने पवित्रशास्त्र बिच भी लिख्खे रा है, “परमेश्वर जिस मणू जो धार्मिक बणांदे, से ही विश्वास रे जरिये जिन्दा।”

परमेश्वर री ताकत ते स्वभाव दिख्खे नी जाई सकदे, पर दुनिया रे रचणे री सुरुआत का ही, परमेश्वर ने अप्पु ही इन्हा सारे गुण जो अपणे कम्मां रे जरिये ही दिखाए रा है, इधेरे तांइ इन्हा लोक्कां का अपणे तांइ कोई बहान्ना नी है कि से परमेश्वर जो नी जाणदे।

इधेरे तांइ कि तिन्हा ने परमेश्वर जो जाणदे होए भी ना ही तिन्हेरी महिमा कित्ती, ते ना ही तिन्हेरा शुक्रिया कित्ता, पर से मणू इदेइ बेवकूफी री गल्लां सोचणा लग्गी पे कि परमेश्वर कदेय दिसदे होणे। इसेरा अंजाम ए होया कि तिन्हेरी समझ पर पर्दा पेई गेया।

तिन्हा ने परमेश्वर रे बारे बिच सच्चाई जो नक्कारी दित्तेया, ते से झूठ्ठी गल्लां बिच विश्वास करदे, ते तिन्हा ने परमेश्वर री बणाए री चीजां री अराधना ते सेवा कित्ती, ना की तिन्हा चीजां जो बणाणे वाले परमेश्वर री, जिन्हेरी बड़ाई हमेसा हो! आमीन।

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

इस तांइ परमेश्वर ने तिन्हा जो अपणे गंदे कम्म करणे री इच्छा पर छड्डी दित्तेया, इत्ते तिकर की जनानियां ने आदमियां कने अपणे कुदरती रिश्ते जो छड्डी करी दूज्जी जनानियां कने शारीरिक सम्बध बणाया। तिय्यां ही आदमियां ने भी जनानियां कने अपणे कुदरती रिश्ते जो छड्डी करी, दूए आदमियां कने शारीरिक सम्बध बणाणे री इच्छा रखदे। तिन्हा ने अप्पु-मिते बेशर्मी रे कम्म कित्ते, ते तिन्हा जो तिन्हेरे बेवकूफी रे कम्मां री सजा मिल्ली। जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

से अपणे आप जो समजदार दस्सी करी बेवकूफ बणी गे, ते हमेसा-हमेसा तिकर रैह्णे वाले परमेश्वर री महिमा जो, इक्क मुकी जाणे वाले मणूआं, चिड़ी-पखेरुआं, डगंरा ते साप्प-किड़ेयां री मूर्तां री बराबरी बिच बदली करी तिन्हेरी अराधना कित्ती।