Popularne wersety biblijne z Wiwitan 27

Udostępnij

Gusti Allah bakal ngekèki kowé ebuné langit lan lemah subur ing bumi uga gandum lan anggur nganti lubèr-lubèr. Bangsa-bangsa bakal pada teluk ing ngarepmu; kowé ngwasani para sedulurmu, lan anaké ibumu bakal pada sujut marang kowé. Sapa sing nyepatani kowé, bakal kena ukuman, lan sapa sing mberkahi kowé, kuwi bakal diberkahi.”

Semauré Esau: “Wis pantes jenengé Yakub, wis kaping pindo enggoné ngapusi aku. Hak anak mbarep direbut lan saiki berkah sing kanggo aku uga direbut!” Terus ngomong marang bapaké: “Apa bapak ora duwé berkah liyané kanggo kula?”

Ing kono Isak nyauri tembungé: “Sak temené panggonanmu bakal adoh sangka lemah sing subur ing bumi lan ora olèh ebun sing sangka langit ing nduwuré. Kowé bakal urip sangka pedangmu lan kowé bakal dadi baturé adikmu. Mbésuk bakal kelakon, yèn kowé ngupaya karo temen, pasangan bakal utyul sangka gulumu.”

Tembungé Esau marang bapaké: “Apa bapak mung duwèk berkah siji kuwi, duh bapak? Mbok kula dikèki berkah bapak!” Esau terus nangis banter.