Popularne wersety biblijne z मत्ती 19

Udostępnij

यीशु तिन्हां बक्खी दिक्खी नैं ग्लाणा लग्गा, “माणुआं तांई तां बड़ा औखा ऐ, अपर परमात्मे ते सब कुच्छ होई सकदा ऐ।”

कने सैह़ हुण दो तन नीं, अपर इक्क जान्न हन। इसतांई जिसियो परमात्मैं जोड़या ऐ, तिसियो माणु लग्ग ना करन।”

तिन्हीं जवाब दित्ता, “क्या तुहां नीं पढ़ेया कि जिन्हीं तिन्हां जो बणाया, तिन्हीं सुरू ते मरद कने जणांस बणाई नैं ग्लाया, “इसा बज़ाह ते माणु अपणे माँऊ बुढ़े ते लग्ग होई नैं अपणिया लाड़िया सौगी रैंह्गा कने सैह़ दोयो इक्क जान्न हुंगे?

यीशुयैं ग्लाया, “जागतां जो मिन्जो अल्ल औणां देआ, कने इन्हां जो मत रोका, क्जोकि सुअर्गे दा राज्ज ऐदेयां दा ई ऐ।”

अपर मत्ते सारे हन, जेह्ड़े इस संसारे च अपणे आप्पे जो म्हान समझदे हन, सैह़ परमात्मे दिया नजरा च नीच हुंगे; कने जिन्हां जो संसारे दे लोक नीच समझदे हन, सैह़ परमात्मे दिया नजरा च म्हान हुंगे।

कने जिन्हीं कुणी घरां, या भाऊआं या बैहणा, या बुढ़े, या माँऊ, या बाल बच्चेयां या खेतां जो मेरे नांऐ तांई छड्डी दित्या ऐ तिसियो सौ गुणा मिलगा, कने सैह़ सदा दी ज़िन्दगिया दा हक्कदार हुंगा।

यीशु तिस नैं ग्लाणा लग्गा, “जे तू म्हान होणा चांह़दा ऐ; तां जा, अपणा समान बेची नैं गरीबां जो बंडी दे, कने तिज्जो सुअर्गे च धन दौलत मिलगी; कने आई नैं मिन्जो पचांह़ चली पौ।”

यीशुयैं तिस नैं ग्लाया, “तू मिन्जो ते भलाईया दे बारे च क्जो पुछा दा? भला तां इक्क ई ऐ, अपर जे तू ज़िन्दगिया च प्रवेश करणा चांह़दा ऐ, तां हुक्मां जो मन्ना कर।”

तुहां नैं भिरी ग्लांदा ऐ, कि जिंआं ऊँटे दा सूईया दे नक्के ते निकल़णा औखा ऐ, तिंआं ई अमीर माणुये दा परमात्मे दे राज्जे च प्रवेश करणा बड़ा औखा ऐ।”

कने मैं तुहां नैं ग्लांदा ऐ, कि जेह्ड़ा कोई ब्यभिचारे जो छड्डी होर कुसा बज़ाह ते अपणिया लाड़िया जो छड्डी नैं दूईआ नैं ब्याह करैं, सैह़ ब्यभिचार करदा ऐ; कने जेह्ड़ा तिसा छड्डिया नैं ब्याह करैं, सैह़ भी ब्यभिचार करदा ऐ।”

ताह़लू यीशु अपणे चेलेयां नैं ग्लाणा लग्गा, “मैं तुहां नैं सच्च ग्लांदा ऐ, कि अमीरे दा सुअर्गे दे राज्जे च पुज्जणा औखा ऐ।