Popularne wersety biblijne z मरकुस 10

Udostępnij

किके मनुक्ख दा पुत्तर एस आसतै नेई आया के ओदी सेवा कित्ती जा, वरन् एस आसतै आया के सेवा करै, ते मतें गी छुडाने आसतै प्राण देईयै छडौती दिती।”

यीशु ने उंदी बक्खी दिखियै आखया, “मनुखे थमां तां ए नेई ओई सकदा, लेकन परमेसर थमां सब केश ओई सकदा ऐ।”

यीशु ने उसी आखया, “चली जा, तेरे बश्वास ने तुगी चंगा करी ओड़या ऐ।” ओ तौलै गै दिखन लगा, ते ओ रस्ते च ओदे कन्ने चली पिया।

एसकरी जिसी परमेसर ने जोड़या ऐ उसी कोई मनुक्ख लग नेई करै।”

यीशु ने उसी दिखियै ओदे कन्ने प्रेम कित्ता, ते उसी आखया, “तेरे च एक गल्ल दी कमी ऐ। जा, जेड़ा केछ तेरा ऐ उसी बेचियै गरीबें गी बंडी ओड़, ते तुगी सोर्ग च तन्न थोग, ते आईयै मेरे पिछें चली आ।”

एदे उपर यीशु ने जबाब दिंदे ओई आखया, “तू के चानां ऐ के आऊँ तेरे लेई करां?” ते अन्नें ने उसी आखया, “ए गुरु, आऊँ चानां के मैं दिखन लगां!”

लेकन थुआड़े च ऐसा नेई ऐ, लेकन जेड़ा कोई थुआड़े च बड़ा बनना चा, ओ थुआड़ा सेवदार बने

आऊँ तुसेंगी सच आखना, जेड़ा कोई परमेसर दे राज गी बच्चें आला लेखा ग्रहण नेई करै, ओ ओदे राज च कदें बी दाखल नेई ओग।”

लेकन मते सारे जेड़े पैले न, ओ पिछले ओगन; ते जेड़े पिछले न, ओ पैले ओगन।”

लेकन सृष्टि दे शुरुवात च, परमेसर ने मर्द ते जनानी बनाए। एसकरी मर्द अपने मां-प्यो कोलां लग ओईयै अपनी करेआली कन्ने रौग। ते ओ दुए एक जी ओगन, एसकरी ओ दो नेई एक जी न।