Popularne wersety biblijne z Joni 8

Udostępnij

Alimwi Jesu wakaambila Bafalisi wakati, “Ndime mumuni uumunikila bantu bamunyika. Kufumbwa uunditobela takeendi mumudima pe, pele uyooba amumuni uupa buumi.”

Eelyo muyooziba zyakasimpe, nkabela eezi, ziyoomulubula.”

Lino Jesu wakaambila Bajuda aabo bakamusyoma, wakati, “Kuti mwabamba majwi aangu, mulaba basikwiiya bangu ncobeni.

Nkaako kuti mwana wamulubula, mwalubulwa ncobeni.

Lino nibakacili kumugubizya amubuzyo ooyu, wakakotamuka akubaambila kuti, “Muntu uutakwe cinyonyoono akati kanu aawa asaangune kufusa bbwe kumukaintu ooyu.”

Jesu wakati, “Ncobeni muntu woonse uucita cinyonyoono muzike waco.

Jesu naakakotamuka, wakabuzya mukaintu ooyo kuti, “Mukaintu, ino balikuli basimulandunyoko? Sena taakwe wakupa mulandu?” Walo wakati, “Peepe, taakwe, O Mwami.” Mpawo Jesu wakamwaambila kuti, “Ambebo nsikupi mulandu pe. Koya, pele ono utakabisyi limbi!”