Popularne wersety biblijne z Kulonga 8

Udostępnij

Abalo basimabibo bakasola amabibo aabo munzila eeyi njiyonya kuti balete bususuli, pele bakakacilwa. Nkaako kwakali bususuli kubantu akubanyama. Lino basimabibo bakaambila Falo kuti, “Ooyu mmunwe wa Leza wacita ceeci.” Pele Falo wakacili sicinguni, wakakaka kuswiilila Mozesi a Aloni, mbubonya mbuli bwakaambide Mwami Leza.

Lino Mwami Leza wakati kuli Mozesi, “Koya kuli Falo ukamwaabile kuti, ‘Mboobu mbwaamba Mwami Leza. Baleke bantu bangu bainke kutegwa bakandikombe.

Pele Falo naakabona kuti zintu zyeenda kabotu, wakaba sicinguni alimwi, taakwe naakaswiilila ba Mozesi a Aloni mbubonya mbuli bwakaambide Mwami Leza.

Pele kuti naa ubakasye bantu bangu kuunka, ndiyoosubula cisi cako coonse abacula.

Lino Mwami Leza wakaambila Mozesi kuti, “Mwaambile Aloni kuti, ‘Uma nyika amusako wako, eelyo lusuko lulasanduka bususuli mu Ijipiti yoonse.’”

Mwami Leza wakacita eeci, aboobo makata-makata aanzinini akasika muŋanda ya Falo, amumaanda aabalupati-pati bakwe, amunyika yoonse ya Ijipiti. Nyika yakapenga kapati kunzinini.