Popularne wersety biblijne z Mateo 8

Udostępnij

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Capitanasti ucjjarojj saraquïnwa: —Tata, janiw asquïcti jumajj nayan utajjaru mantañamataquejja, jan ucasti lacamampiquiy arsumjja uywatajjan c'umaraptañapataqui.

Uc ist'asinsti Jesusajj wali musphataw uñjasïna, jupar arquirinacaparusti saraquïnwa: —Khanacwa sapjjsma, aca israelitanac taypinjja janiw aca chachjam iyawsañanjja maynsa jicjjatcti.

Jesusasti capitanarojj saraquiwa: —Utamar sarjjam, iyawsatamarjamaraquiw lurasini —sasa. Jupan uywatapasti ucspachaw c'umaraptayatäjjäna.

Take jupanacaw wali muspharatäpjjäna, sapjjaraquïnwa: —¿Qhitïpachas acajja? ¡Kotasa thayasa juparojj ist'aquiraquisä! —sasa.