Popularne wersety biblijne z Ezequiel 34

Udostępnij

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

“Naya Tatitusti aqham sistwa: Naya pachpaw jichhajj tamanacajjarojj awatisjjäjja.

Naya quipcaw ovejanacajjan awatiripäyäjja, naya quipcaraquiw jupanacar samariri anaquëjja. Naya Tatituw ucjja arsta.

Jumanacajj nayan ovejanacajjäpjjtawa, nayan uywa awatisiñajjan mank'asiri ovejanacajjäpjjtawa. Nayaw jumanacan Diosamätjja. Naya Tatituw ucjja arsta.”

“Jumasti chacha, Israel marcan awatirinacap toke arsum nayan sutejjaru, ucatsti naya toketjja saraquim: ‘Ay, cunaquïcani Israel marcar awatirinacataquejja, jupanacpachaquiw awatisisipqui. Uca awatirinacajj oveja tamanacwa awatipjjañanacapänjja.