Popularne wersety biblijne z TITO 2

Udostępnij

Nĩ ũndũ Wega wa Ngai nĩwonekete, ũrĩa ũreheire andũ othe ũhonokio, naguo nĩguo ũtũmenyagĩria kũregana na maũndũ mothe marĩa mataiguaine na ũhoro wa kwĩamũrĩra Ngai, o na merirĩria marĩa moru ma gũkũ thĩ, na tũikarage twĩ na ũũgĩ wa ngoro, na tũrĩ athingu, na twĩamũrĩire Ngai mahinda maya tũrĩ

tũgĩtanyaga gũkahingĩrio kĩĩrĩgĩrĩro kĩrĩa kĩĩ na kĩrathimo, hĩndĩ ĩrĩa gũkaguũranĩrio riri wa Jesu Kristo, ũrĩa wĩ Ngai witũ mũnene na Mũtũhonokia. Nake nĩwe werutire nĩ ũndũ witũ, nĩ getha atũkũũre waganu-inĩ wothe, na atherie andũ a gũtuĩka ake kĩũmbe, arĩa marĩ na kĩyo gĩa gwĩkaga maũndũ mega.

Na maũndũ-inĩ mothe-rĩ, wĩtuage wa kuonanĩrĩria gwĩkaga maũndũ mega: naguo ũrutani waku wage ũndũ mũthũku, na wage itherũ, na ũrutanagwo na ciugo iria ciagĩrĩire, o iria itangĩhota gũtuwo njũru; nĩ getha mũndũ ũrĩa ũtũkararagia aconoke nĩ ũndũ wa ũrĩa aagĩte ũndũ mũũru wa kwaria ũhoro-inĩ witũ.