Popularne wersety biblijne z AFILIPI 4

Udostępnij

Tigagai gwĩtanga nĩ ũndũ o na ũrĩkũ: no rĩrĩ, menyithagiai Ngai maũndũ marĩa mothe mwendaga, mũkĩmũhoyaga na mũkĩmũthaithaga, hamwe na kũmũcokeria ngatho.

Naguo thayũ wa Ngai, ũrĩa ũtangĩmenyeka ũrĩa ũtariĩ, nĩũrĩikaragia ngoro cianyu o na gwĩciria kwanyu nakuo thĩinĩ wa Kristo Jesu.

Na ngũrĩkĩrĩria atĩrĩ, ariũ a Ithe witũ, maũndũ o marĩa ma ma, namo marĩa matĩĩku, na ma kĩhooto, na marĩa matheru, na marĩa mangĩendeka, o na marĩa me na ũhoreri-rĩ; ningĩ kũngĩrĩ na ũndũ wĩ mwagĩrĩru, kana ũndũ wa kũgathwo, maũndũ macio-rĩ, wĩciragiei ũhoro wamo.

Nĩ’hotaga gwĩka maũndũ mothe na ũndũ wake we ũrĩa ũ’heaga hinya.

Ikaragai mũkenete nĩ ũndũ wa Mwathani hĩndĩ ciothe: o na nguuga o rĩngĩ atĩ mũikarage mũkenete.

Nake Ngai wakwa nĩarĩkĩragĩrĩria kũmũhe kĩrĩa o gĩothe mũngĩkorũo mwagĩte, akĩmũtanahagĩra na ũtonga wake ũrĩa wĩ na Kristo Jesu kũrĩa kwĩ na riri.

Namo maũndũ marĩa mwerutire harĩ niĩ mũkĩmetĩkĩra, na ningĩ mũkĩmaigua harĩ niĩ, na mũkĩmona, ĩkagai mo; nake Ngai mwene thayũ nĩarĩikaraga na inyuĩ.

Tũmagai gũkiranĩrĩria kwanyu kũmenyũo nĩ andũ othe. Mwathani akiriĩ gũũka.

Ni’menyerete gũikara ndĩ mũkĩaru, na ngamenyera gũikara ndĩ mũtongu: kũndũ guothe o na maũndũ-inĩ mothe nĩndutĩtwo kũhũna o na kũhũta, na ningĩ gũtonga o na kwaga.

No ti ũhoro wa wagi ngwaria: nĩ gũkorũo nĩndĩĩrutĩte kũiganwo nĩ maũndũ o marĩa ndĩ namo.