Popularne wersety biblijne z NDARI 14

Udostępnij

Na rĩrĩ, menyai mũreme Jehova, kana mwĩtigĩre andũ a bũrũri ũcio; nĩ ũndũ nĩo megũtuĩka kandũ gaitũ na rĩrĩ, kĩrĩa kĩmagitagĩra nĩkĩeherete gĩkoima igũrũ rĩao, na Jehova e hamwe na ithuĩ; menyai mũmetigĩre.

Jehova ndahiũhaga kũrakara, na nĩaiyũirũo nĩ tha, na nĩwe muohanĩri waganu, o na mahĩtia, na ndangiuga atĩ mũndũ mwaganu nĩ mwega o na atĩa; na nĩwe ũkinyagĩria ciana waganu wa maithe nginya rũciaro rũa gatatũ na rũa kana.

Na kũngĩkorũo Jehova nĩakenagio nĩ ithuĩ, ndarĩ hingo ategũtũtwara bũrũri ũcio, na atũhe ũtuĩke witũ naguo nĩ bũrũri wĩ bũthi wa iria na ũũkĩ.

no rĩrĩ, Kalebu ndungata yakwa, tondũ roho ũrĩa ũmũgucĩtie nĩ wa mũthemba ũngĩ, na nĩanũmĩrĩire mũno, ũcio nowe ngakinyia bũrũri ũcio egũthiĩte; na wĩgwatĩrũo nĩ mbeũ yake.

Ciĩre atĩrĩ, Jehova oiga ũũ: O ta ũrĩa niĩ ndũũraga muoyo-rĩ, ti-itherũ maũndũ macio mwaaria, ngĩiguaga na matũ makwa, nomo ngamwĩka.

Nake Jehova akĩĩra Musa atĩrĩ, Kaĩ andũ aya megũgĩtũũra ma’menete nginya hĩndĩ ĩ? Na nĩ nginya hĩndĩ ĩ megũtũũra maregete kwĩĩ’hoka na ũrĩa ndanakĩringa ciama ikĩonagwo nĩo?

Nacio ciana cia Isiraeli ciothe igĩtetera Musa na Haruni, kĩrĩndĩ kĩu gĩothe gĩgĩkĩmera atĩrĩ, Na arĩ korũo nĩ gũkua twakuĩrĩire bũrũri wa Misiri Kana na arĩ korũo nĩ gũkua twakuĩrĩire gũkũ werũ-inĩ ũyũ!

Nake Joshua wa Nuni, na Kalebu wa Jefune, arĩa maarĩ a thiritũ ya acio maathiĩte gũthigana bũrũri ũcio, magĩtembũranga nguo ciao magĩkĩarĩria kĩrĩndĩ kĩu gĩothe gĩa ciana cia Isiraeli, magĩkĩĩra atĩrĩ, Bũrũri ũcio wothe twatuĩkanirie tũkĩũthigana-rĩ, nĩ bũrũri mwega mũno makĩria.

no rĩrĩ, ti-itherũ o ta ũrĩa niĩ ndũũraga muoyo, na ningĩ o ta ũrĩa thĩ yothe ĩkaiyũra ũnene wa Jehova-rĩ, kuona atĩ andũ aya othe, o aya monete ũnene wakwa, o na ciama ciakwa iria ndaringĩire kũu Misiri o na gũkũ werũ-inĩ ũyũ, nĩmangeretie maihinda macio ikũmi, na makarega kũigua ũhoro ũrĩa ndĩmaheaga-rĩ, ti-itherũ matikona bũrũri ũcio nderĩire maithe mao na mwĩhĩtwa, kana mũndũ o na ũrĩkũ wa arĩa ma’menete akawona