Popularne wersety biblijne z MARIKO 11

Udostępnij

Tondũ ũcio ngũmwĩra atĩrĩ, Maũndũ o mothe marĩa mũhoyaga mũkoiga mũheo, ĩtĩkagiai atĩ nĩmũrĩkĩtie kũheo, na nĩmũkagĩa namo.

Ngũmwĩra atĩrĩ na ma, Mũndũ o wothe ũkera kĩrĩma gĩkĩ, Ũrogũũka ũikio iria-inĩ thĩinĩ; na ndathanganie ngoro-inĩ yake, no etĩkie atĩ ũguo ekuuga nĩũgwĩkwo nĩagekĩrũo o ũguo.

Na ihinda o rĩothe mũrũngiĩ mũkĩhoya, muohanagĩre, akorũo mũrĩ ũthũ na mũndũ; nĩ getha Ithe wanyu ũrĩ Igũrũ nake amuohagĩre mehia manyu inyuĩ.

Nake Jesu akĩmacokeria, akĩmera, Wĩhokagei Ngai.

Akĩrutana, akĩmera atĩrĩ, Githĩ ũhoro ndwandĩkĩtwo atĩ, Nyũmba yakwa ĩgetagwo nyũmba ya kũhoyagĩrũo nĩ ndũrĩrĩ ciothe? Inyuĩ-rĩ, mũtũmĩte ĩtuĩke ngurunga ya atunyani.

Na andũ arĩa maamũtongoretie, o na arĩa maamuumĩte thutha, magakĩanirĩra makoiga atĩrĩ, Hosana; Kũrathimwo-rĩ, nĩ ũrĩa ũgũũka na rĩĩtwa rĩa Mwathani

Kũrathimwo-rĩ, nĩ ũthamaki ũrĩa ũgũũka, ũrĩa wa ithe witũ Daudi: Hosana igũrũ o igũrũ.