Popularne wersety biblijne z AHIBIRANIA 5

Udostępnij

No irio iria nyũmũ nĩ cia andũ arĩa agima, o arĩa mahũthĩire gũkũũrana wega na ũũru, nĩ ũndũ wa ũrĩa monire ihinda rĩa kwĩmenyeria gwĩka ũguo.

Nĩ ũndũ-rĩ, o na mwagĩrĩirũo nĩ gũtuĩka arutani rĩu nĩ ũndũ wa ihinda rĩrĩa mũikarangĩte, nĩmũbatairio rĩngĩ nĩ mũndũ wa kũmũrutaga morutani marĩa mahũthũ, marĩa maambagĩrĩria kũrutanwo ma mohoro ma Ngai; mũgagĩkorũo mũrĩ andũ mabataire nĩ kũheo o iria, no ti irio nyũmũ. Nĩ ũndũ mũndũ o wothe ũnyuaga o iria nĩ mũndũ ũtahũthĩire ũhoro ũrĩa wa ũthingu; amu no rũkenge.

Nake o na aarĩ Mũriũ-rĩ, nĩerutire gwathĩka nĩ ũndũ wa ũrĩa aanyamarĩkire. Na aakĩrĩkia gũtuwo mwagĩrĩru kũna, agĩtuĩka kĩhumo kĩa ũhonokio ũrĩa ũtagathira kũrĩ arĩa othe mamũiguaga.

Ũcio-rĩ, o matukũ marĩa aatũire arĩ na mwĩrĩ, nĩaahoire na agĩthaitha Ngai, agĩkayaga mũno na agĩitaga maithori, o we ũngĩhota kũmũhonokia amũrute gĩkuũ-inĩ, agĩkĩiguwo tondũ nĩaamwĩtigĩrĩte akamũtĩa.