Popularne wersety biblijne z THAMA 8

Udostępnij

Nao ago magĩĩka o ta ũguo na ũgo wao nĩ getha o nao matũme gũũke rũagĩ, no makĩremwo; naruo rũagĩ rũu no rũombagĩrĩra andũ o na nyamũ. Hĩndĩ ĩo ago acio makĩĩra Firauni atĩrĩ, Ũndũ ũyũ nĩ wa kĩara kĩa Ngai; nake Firauni akĩũma ngoro, akĩrega kũmathikĩrĩria, o ta ũrĩa Jehova oigĩte.

Nake Jehova akĩĩra Musa atĩrĩ, Thiĩ ũtonye kwa Firauni, ũmwĩre atĩrĩ, Jehova ekuuga ũũ: Reka andũ akwa mathiĩ, nĩ getha makandungatĩre.

No rĩrĩ, rĩrĩa Firauni onire atĩ hekũgĩa ihinda rĩa gũcokia mĩhũmũ, agĩcoka kwĩritũhia ngoro, akĩwarega kũmathikĩrĩria, o ta ũrĩa Jehova oigĩte.

Na rĩrĩ, warega kũreka mathiĩ-rĩ, nĩngũhũra bũrũri waku o nginya mĩhaka-inĩ yaguo ndĩũiyũrie ciũra

Nake Jehova akĩĩra Musa atĩrĩ, Ĩra Haruni ũũ: Ambararia rũthanju rũaku, ũgũthe rũkũngũ rũa thĩ, nĩ getha rũtuĩke rũagĩ kũndũ guothe bũrũri wa Misiri.

Nake Jehova agĩĩka o ta ũguo, gũgĩgĩũka ngi mĩrumbĩ mĩũru, igĩtonya nyũmba ya Firauni, o na igĩtonya nyũmba cia ndungata ciake, naguo bũrũri wothe wa Misiri ũgĩthũka mũno nĩ ũndũ wa mĩrumbĩ ĩo ya ngi.