Popularne wersety biblijne z AEFESO 6

Udostępnij

Nĩ ũndũ kũgiana gwitũ ti gwa kũgiana na arĩa me na mwĩrĩ na thakame, no nĩ gwa kũgiana na mothamaki, o na mahinya, o na arĩa maathanaga thĩ ĩno ĩĩ na nduma, o na mbũtũ cia maroho moru me kũrĩa igũrũ.

O na kũhoya mũhoyage mũno mũgĩthaithanagĩrĩra hingo ciothe, mũrĩ na Roho: na mũgĩĩkaga ũguo-rĩ, mũikarage mwĩhũgĩte na kĩyo kĩnene, mũgĩthaithanagĩrĩra andũ arĩa aamũre othe.

Wĩohei indo ciothe cia Ngai cia ita, nĩ getha mũhote gwĩtiiria mawara ma mũcukani.

Nĩ ũndũ ũcio-rĩ, oyai indo ciothe cia Ngai cia ita, nĩ getha mũkahota gwĩtiiria mũthenya ũrĩa gũkarũra; na mwarĩkia gwĩka maũndũ macio mothe, no mwĩhande.

ningĩ gũkĩra icio ciothe-rĩ, muoe ngo ya wĩtĩkio, ĩrĩa mũrĩhotaga kũhoria nayo mĩguĩ ĩrĩa ĩĩ mwaki ya ũrĩa mũũru. Na ningĩ, ĩkĩrai gĩtukũ kĩrĩa kĩa ũhonokio, na mwĩohe rũhiũ rũrĩa rũa Roho, naruo nĩruo Ũhoro wa Ngai.

Nĩ ũndũ ũcio kĩĩhandei, mwĩhotorete ũhoro-wa-ma, na mwĩohete gako ga kũgitĩra gĩthũri, karĩa ga ũthingu, o na mwĩkĩrĩte magũrũ manyu ũhoro wa kwĩhaarĩrĩria Ũhoro-ũrĩa-Mwega wa thayũ

Ũhoro wa kũrigĩrĩria nĩ atĩrĩ, gĩagai na hinya thĩinĩ wa Mwathani, mũkĩhotithagio na ũhoti wake.

Tĩa thoguo na nyũkwa, (rĩu nĩrĩo rĩathani rĩa mbere rĩrĩa rĩĩ na kĩĩranĩro) nĩ getha maũndũ maku magaacĩre, na ũtũũre hĩndĩ ndaya gũkũ thĩ.

INYUĨ ciana-rĩ, athĩkagĩrai aciari anyu mwĩ thĩinĩ wa Mwathani: nĩ gũkorũo gwĩka ũguo nĩkuo kwagĩrĩire.