Popularne wersety biblijne z GŨCOKERITHIA MAATHANI 7

Udostępnij

Tondũ ũcio menya mũno atĩ Jehova Ngai waku nĩwe Ngai, o we Mũrungu ũrĩa mwĩhokeku, ũrĩa ũtũũragia irĩkanĩro ciake iria arĩkanĩire na andũ, o na tha, harĩ arĩa mamwendaga na makamenyerera maathani make, o nginya njiaro ngiri

Nĩ gũkorũo wee nĩwe rũrĩrĩ rũamũrĩirũo Jehova Ngai waku; nake Jehova Ngai waku agũthurĩte ũtuĩke rũrĩrĩ rũĩ bata mũno rũamũrĩirũo we mwene gũkĩra ndũrĩrĩ iria ingĩ ciothe itũũraga gũkũ thĩ guothe.

no rĩrĩ, Jehova nĩ kwenda amwendete, ningĩ nĩ kwenda endete kũhingia ũhoro ũrĩa erĩire mathoguo na mwĩhĩtwa; maũndũ macio nĩmo maatũmire amũrute nyũmba ya ũkombo o guoko-inĩ kwa Firauni, mũthamaki wa Misiri, amũkũũre na ũndũ wa gwĩka maũndũ na guoko kwĩ hinya.

Na rĩrĩ, Jehova ndaagwatire kũmwenda mũno kana akĩmũthura nĩ ũndũ wa ũrĩa mwaingĩhĩte gũkĩra ndũrĩrĩ iria ingĩ ciothe; tondũ-rĩ, inyuĩ mwarĩ anyinyi mũno gũkĩra andũ arĩa angĩ othe mũgĩtarũo

Nĩũkaratimwo gũkĩra ndũrĩrĩ iria ingĩ ciothe; na gũtikagĩa mũndũ mũrũme ũkwaga rũciaro, kana mũndũ-wa-nja ũgũthata thĩinĩ wanyu, o na kana nyamũ thĩinĩ wa ũhiũ wanyu.