Popularne wersety biblijne z AKOLOSAI 3

Udostępnij

mũgĩkiranagĩra na mũkĩohanagĩra o mũndũ na ũrĩa ũngĩ, angĩkorũo nĩharĩ mũndũ matetanĩtie na ũrĩa ũngĩ-rĩ; kĩohanagĩrei inyuene o ta ũrĩa Mwathani nake aamuoheire inyuĩ.

Rũmbũyagiai maũndũ marĩa marĩ Igũrũ, na mũtigage kũrũmbũria marĩa marĩ thĩ.

Na rĩrĩ, ũndũ o wothe mũgwĩka-rĩ, wĩkagei na ngoro o ta arĩ wĩra wa Mwathani mũraruta, na ti wa andũ

Tondũ ũcio-rĩ, kuona atĩ mũrĩ athure nĩ Ngai, mũgagĩtuĩka andũ atheru mendetwo nĩwe, wĩhumbei mwĩhumbĩre wa ngoro ũrĩa wa kũiguanĩra tha, na wa gũtugana, na kwĩnyihia, na kũhorera, o na gũkirĩrĩria

Rekei Ũhoro wa Kristo ũikarage ũingĩhĩte mũno thĩinĩ wanyu, ũkĩmũũhĩgagia na ũũgĩ wothe; na mũrutanage inyuĩ ene, mũgĩtaaranaga na thaburi, na nyĩmbo cia Ngai, o na nyĩmbo cia kũguna maroho ma andũ, mũkĩinagĩra Ngai mũrĩ na Wega wake thĩinĩ wa ngoro cianyu. Na ningĩ atĩrĩ, maũndũ marĩa mothe mũrĩĩkaga, mũkĩaria o na kana mũgĩĩka ũndũ o ũrĩkũ-rĩ, mekagei na rĩĩtwa rĩa Mwathani Jesu, mũgĩcokagĩria Ngai Ithe witũ ngatho na ũndũ wake.

Ningĩ gũkĩra maũndũ macio mothe-rĩ, gĩagai na wendani, na nĩguo wohanagia maũndũ mothe hamwe nĩguo maagĩrĩre kũna.

HAKĨRĨ ũguo-rĩ, mũngĩkorũo nĩmwariũkirio hamwe na Kristo, no kĩmathagei maũndũ marĩa marĩ Igũrũ, kũrĩa Kristo arĩ, aikaire guoko-inĩ kwa ũrĩo kwa Ngai.

Rekei thayũ wa Kristo ũteithũranage maũndũ mothe ngoro-inĩ cianyu; na nĩguo mwetĩirũo mwathagwo nĩguo, kuona atĩ mũrĩ a mwĩrĩ ũmwe; ningĩ mũgĩage na ngatho.

Nĩ ũndũ ũcio, tuagai ciĩga cianyu iria irĩ gũkũ thĩ ta ikuĩte; nacio nĩ ici, atĩrĩ, ũmaraya, na meciria mathũku, na thuti njũru, na kwĩrirĩria maũndũ moru, na gũcumĩkĩra, nakuo no ũndũ ũmwe na kũinamĩrĩra mĩhianano na kũmĩhoya.

Nĩ ũndũ nĩmwakuire, naguo muoyo wanyu nĩ mũhithe hamwe na Kristo thĩinĩ wa Ngai.

No rĩu kĩeheriei maya mothe o namo: marakara, na mang’ũrĩka, na muku, na kũrumana, na kwaria maũndũ ma thoni na kanua.

Tigagai kũhenania na kanua o mũndũ na ũrĩa ũngĩ, kuona atĩ nĩmwĩaũrĩte mũndũ ũrĩa wa tene, o na ciĩko ciake na mũkehumba mũndũ ũngĩ mwerũ, ũrĩa werũhagio o nginya agĩe na ũmenyo, agakĩgĩa na mũhianĩre wa ũrĩa wamũũmbire.

Na inyuĩ athuri-rĩ, endagai atumia anyu, na tigagai kũmakũũma.

O na inyuĩ ciana, iguagai aciari anyu maũndũ-inĩ mothe, nĩ ũndũ ũguo nĩguo ũkenagia Mwathani.

Inyuĩ atumia-rĩ, athĩkagĩrai athuri anyu o ta ũrĩa kwagĩrĩire andũ arĩa maikaraga thĩinĩ wa Mwathani.