Popularne wersety biblijne z DEDI 24

Udostępnij

Hàla hamayangu-nanyaka nuna na tau ata, “MIRI, Alana na miringgu i Ambarahàmu, ndula àruka ka peku ningu linguna na wai ngeranggu la lodu nàhu; hàmu àrunya eti na miringgu i Ambarahàmu.

Napa ka kupanii-nya na haàtu welingu lai nyuda, ‘Papuru àrunya na wurungu-mu dàngu kau wuangga duku ka ku-unungu,’ ka wànggunya, jàka nahema, ‘Unungu naa ama, napa da otamu ka ku-paunu-mbunja!’ jàka wàna, jia-duyaka nyuna na papindi-mu la patuya papaha-na na atamu i Ihàku. Jàka na-palànga-tàkangu-maka nuna ba wànggu, pidunggu-nyaka ba mbàda hàmu-munyaka eti na miringgu i Ambarahàmu,” wàna.

Hàlaka nu nyuna i Ihàku karia-nanyaka i Ripuka patama la maüna i Hara na inana, ka kanoma-nanyaka i Ripuka. I Ihàku nambuha-manya i Ripuka; ka nggaüru beli-nanyaka na etina i Ihàku welingu la hawina ba nda ninyapa na inana.

Ka puli-danyaka i Ripuka dàngu da ata ngàndina palaku karia-nya nu na atana i Ambarahàmu dàngu da karia-na. Hàlaka pa-kanyuru-danyaka i Ripuka, “Mili àru nyumu Ripuka ka nda pira piku pàku biaya na tau na maina-nggau! Mili àru da wàla wuamu ka da-panyàku-ha da paraingu-da da muhuda!” wàdanya.

Harangu-wa la parongu-na i MIRI, na Ala na ma-kuaha-ya na awangu dàngu na tana, ba nda jia himbu-amunya papaha-na na ananggu i Ihàku welingu la honga tau la tana Kanaàngu. Lupangu-ma bàdi kau beli la tana ngia padedi-nggu kau himbu ninya papaha-na la nua kalembi-nggu,” wànanya.