Popularne wersety biblijne z O KEJADIAN 12

Udostępnij

Ngohi aha tonihidöaka ngonaika o ngohaka de o danongo mangangoë, deʼ önanga aha yodadi o berera deʼ o hoana ma ago-agomo. Ngohi aha tonihi barakati ngona deʼ Tadiai ani romanga kaya heto-hetongo, hiädono ngona aha nodadi o barakati. Ngohi aha tahibarakati o nyawa inihi böbarakati ngona deʼ tahilolai o nyawa inihi lololai ngona. De karana ngona Ngohi aha tahi barakati mata-mata o nyawa o duniaka.”

Ma Jou wïtemo o Abramika, ”Namal̄a ani berera, ani roriadodoto deʼ ani ama ai tau, deʼ o berera aha Ngohi tonihidö dumu-dumutu ngonaika noiki gënangika.

O Abram ai umuru o taongo moritumidi deʼ motoa maöraha ünanga wamal̄a o Haran maberera, ima moteke deʼ ma Jou Aipareta ünangika. O Abram womä jobo o Kanaan matonakika kama moi deʼ ongo Sarai ngoihekata, deʼ ai dodoto aingohaka o Lot, deʼ hagala ai arata deʼ o gogilaongo önanga yamömake-make o Haran mabereraka. Onanga imahiadonika o Kanaan matonakoka

Ma Jou womahimatoko ai diri o Abramika deʼ wïtemo ünangika, ”Nënanga doka o berera aha tahidoa-doaka ani ngohaka de ani danongika.” Daha o Abram wohigoko gënangokadau o huhuba mangï o gahumu moi, mangale ma Jou womahimö mato-matokoka Ai diri ünangika.