Popularne wersety biblijne z Matias 18

Udostępnij

Sababu toma ngi'i le'a ḇato 'age nga muḏiḏi bolo nga ḏu'ange 'aḏi malomu sababu Ngoi, Ngoi 'age tamanga sigolona.”

Ngoi to siajele ra ngini nena-ne ḏi'i: Na'o toma dungia 'age nga muḏiḏi taninga sigolona ga'a marimoi mangale 'oru ḇato ngini ni manyiata Tari Ḇaḇa toma soroga, Unanga ḏuanga i'a 'a sitotomo ninga go-golo'o.

Yesus 'o 'aro'o ngowa 'olo matengo re 'O side-de'oso tamanga biono. Ḏua Unanga 'o kanau, “Ni ngaku mode-mode'e 'Ari demo-demo nena-ne: Na'o ngini ni dadi ua ma tero sa'olo ngowa 'olo nena-ne, ngini ni osama nyo-nyoimi yoḏu'u toma Soroga ma Pareta.

Sababu gena-ge, 'a guna ḇato 'o maholo 'ai diri ma tero sa'olo ngowa 'olo nena-ne, unanga gena-ge lebe la-lamo'o i'a toma Soroga ma Pareta.

Re 'a guna ḇato 'o dawongo ngowa 'olo ma tero sa'olo ngowa 'olo nena-ne sababu unanga 'o mete'e Ngoi, gena-ge ma tero sa'olo unanga 'o dawongo Ngoi ḏi'i.

“Ni ngaku mode-mode'e 'Ari demo-demo nena-ne: 'Oru ga'a ngini ni simaha ua toma dungia nena-ne, Ma Jou'ongu Madutu toma soroga mai Ra mete'e ḏi'i. Re 'oru ga'a ngini ni simaha toma dungia nena-ne, Ma Jou'ongu Madutu toma soroga mai Ra mete'e ḏi'i.

Yesus 'a siḏo-ḏogumu 'ai 'aḏe-'aḏe gena-ge so'o ne: “So'o gena ḏi'i, 'Ari Ḇaḇa da'u toma soroga ḏuanga i'a nu 'a'a ngini matengo re matengo, na'o ngini ni si'apongo ua taninga 'akala re sinyingara ninga ioronongoḏu ga'a 'a'a ḏosa ra ngini.”

Mada'a na'o 'a guna ḇato 'o sigasa ngowa-ngowa'a ma pake ua ma tero sa'olo ngowa 'olo nena-ne, singadolo ananga 'aḏi ngaku Ngoi riwara, Ma Jou'ongu Madutu 'o sihukumu unanga gena-ge lebe tubuso i'a. Jobilaha maḏi la-lamo'o 'i siḏobe tai camala, kara sijala unanga toma ngoloto.

Ngini ninga 'akala ma sanga sa'olo? Na'o 'age rema ngowa'a matengo i'a rai doba latu moi, mada'a 'i iranga rimoi, unanga 'o 'a'a 'oru?! Tantu ḏua, unanga 'a sisoi'i tala ma nyagi siworo re siworo gena-ge toma polono re 'o tagi 'a disa ma rimoi ga'a 'i iranga.