Popularne wersety biblijne z VARUMI 6

Udostępnij

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Mutaleki vwoni vumwamiihi kandi mba, kigira si muveeye mu Lilaga, navuzwa muveeye mu zimbavasi zia Nyasaye.

Ku libatizwa lietu, kwayavilwa harara naye kandi nikusanga mu likuza lilie, kuli Kristo yasimugukizwa kutura mu vakuzu mu vukumi vwi zinguru zia Baba, kunyi kandi kuduuki komenya mu livamwoyo lihia.

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Kunangwa munzira ndala nzere, gamudukira mwiganagane munyi aveene kuli vakuzu ku vwoni, navuzwa munye muduuki kuyaanziza Nyasaye mu Kristo Yeso.

Kunangwa, kovoole ki? Kuzizagiliri komenya muvwoni kunangwa zimbavasi zia Nyasaye ziduuki komedeka? Awa! Sigaveeye ndio mba! Kunyi koveeye vavoholore kutura ku vwoni, kunyala kuzizagilira ndi komenya muvwoni?

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola. Mwavoholorwa kutura muvwoni, ma ni mugwa avatugwa vu vulungi.