Popularne wersety biblijne z Glasya 5

Udostępnij

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa, ne yóm khulung heglaan, ne khulung mafas nawa. Ke deng gotu glolò tekuy ni kem ni, laen kô dù gulé tekuy du yó kem hlau Musis.

Yó hol monu mò kuy, yake hol ye halak dé bè Tulus Dwata. Ke yó se nmò ye, là kô bud bninguy ye du yó kem sidek knóyô lówó ye.

Deng wen ne yóm lomi klowil blayen tekuy yóm Tulus Dwata. Yake du dé yóm hol malak tekuy.

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Tey dilô yó kem tau ke són yóm kul knóyô gónó le gel galak. Sal le gel mò samuk, ne là mólós kehedem le, ne dê nmò le yóm gónó le hemyak knô. Ne lel le hemtahu bè dwata kéng, ne tey ksalig le bè imò le. Sónmò le sfohon ne sfatay. Gel le sélés nawa ne sefebut, ne tey dê sen-galu nawa le. Tey alì mahil mesgólól kehedem le. Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.

Abay se yóm kdê hlau Musis yó, kaem gotu glolò tekuy lu ke lolò tekuy yóm sotuhen, yóm monen, “Hol kenbong nawahem kem dumuhem tau lómón kbong nawahem yóm kóm knô.”Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

Hol béen tlek wen hton salù, ne bê tekuy abay gel heklit kem dumu tekuy, ne hol bê tekuy abay sélés nawa.

Là bud tekuy ghesek du ne yóm hlau Musis, abay se deng lenwà Krays tekuy. Yó gónóm mon, hol tekuy hebegel anì là bud tekuy ghesek du yóm hlau yó.