Popularne wersety biblijne z 2 Kurin 13

Udostępnij

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.

Yó hem gónó tekuy mogot Jisas Krays hol tendo tmóbóng kuy, ne tendo gfan bélê ye he yóm kbong nawa Dwata kuy, ne yóm knóen bélê ye yóm Tulus Dwata.

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.