Popularne wersety biblijne z ROMA 15

Udostępnij

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

Poro Allata'ala, akkullea assarei kasa'barrang siagang panynyaleori rupataua, antulung ngasengko sollannu akkulle a'julu ati, mannuruki ri katallassanNa Isa Almasi. Lalang ma'julu atinu nukkulle assama-sama mammuji mae ri Allata'ala, ManggeNa Batarata Isa Almasi.

Lanri kammana, paralluko massing sitarima siagang te'ne pa'mai', sangkamma nitarimanu todong ri Almasi untu' ampakala'biriki Allata'ala.

Mingka ikatte musti nipakasannangi atinna paranta tau untu' kabajikanna, sollanna pila' katambang jarre'na tappa'na mae ri Allata'ala.