Popularne wersety biblijne z EFESUS 6

Udostępnij

Nasaba' teai rupataua bawang laniewa, passangalinna kagassinganna pole setang-setang makoasaya ri anne jammang ja'dalaka. Ia laniewaya iamintu kagassinganna pole roh-roh ja'dalaka, makoasaya todong ilalang ri anne linoa.

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

Pake ngasengi sikontu sanjata Napassareanga Allata'ala mae ri kau; sollannu akkulle attahang angngewai sikamma akkala' salana Billisika.

Lanri kammana, anne kamma pake ngasemmi sikontu sanjataNa Allata'ala sollannu akkulle angngewai musua ri allo-allo kaja'dallanga anne. Sollanna punna le'ba' mako a'bundu' sa'genna kala'busang, tuli makassa' ijako.

Kere-kere wattu parallui tuli nupake tappaka mae ri Batara a'jari sanrapang sanjata akkullea ampasalai sanjatana musua; iaminjo katappakkanga akkulle nupake ambunoi rinrana ana' panana kaja'dallanga. Allei anjo kasalamakkanga a'jari sanrapang topi baja; siagang kana-kananNa Allata'ala sanrapang pa'dang RohNa Allata'ala.

Paralluko tuli jaga-jaga. Pakei katojenganga sanrapang passikko' aya'nu, siagang katangkasanga sanrapang pa'lapa' barambannu. Paralluko tuli rella ambirittakangi Kabara' Bajika, angngeranga kasalewangang; pakemi anjo a'jari sanrapang pa'lapa' bangkennu.

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

“Pakala'biriki anrong-manggenu,” iaminjo parenta lomoro' se're battu ri Allata'ala, siagang janji, iamintu: “Sollanna numate'ne siagang la'bu umuru'nu ri lino.”

Ikau ana'-anaka! Salaku ana'-ana' gurunNa Almasi, parallui nupilangngeri tau toanu, nasaba' iaminjo siratanga nugaukang.