Popularne wersety biblijne z 2 KORINTUS 1

Udostępnij

Nipujimi Allata'ala, ManggeNa Batarata Isa Almasi. Mangge sannaka baji'na pa'mai'Na, Allata'ala assarea panynyaleori mae ri rupataua. Iami ansaleori pa'mai'na ikambe ilalang sikamma kasukkaranna ikambe. Sollanna lanri panjarrekkinNa, nakkulle tommo ikambe ansaleori tongi sikontu tau natujua susa.

Sikamma passessa le'baka antujui Almasi, jai tommi tattuju mae ri kambe. Siagang tete ri KalenNa tommi Almasi nasanna'mo nipakajarre'na pa'mai'na ikambe.

sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

KalenNa Allata'ala ampakajarre' ngasengki' a'jari se're mae ri KalenNa Almasi; Iatommi KalenNa ampileki' Napamae ri KalenNa. Untu' iaminjo nakile'ba'mo Nasare pammatei a'jari taunNa, siagang Napassareang RohNa antama' ri atinta. Iaminjo a'jari pammatei pannanggongi angkanaya laNapassareang ngasengi Allata'ala sikontu apa le'baka Napa'janjiang.

Punna nituju ikambe ri kasukkarang, nikellaimi sollanna nipakajarre' pa'mai'nu, na nunipasalama'. Punna nipakajarre' pa'mai'na ikambe, nipakajarre' tommi pa'mai'nu. Jari akkulle mako sa'bara' lalang sikontu kasukkarang antujuako, sangkamma kasukkarang le'baka todong tattuju mae ri kambe.