Popularne wersety biblijne z 1 KORINTUS 7

Udostępnij

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

Sikontu tu bura'nea musti nagaukang bajiki kawajibanna mae ri bainenna, kammayatompa sikontu tu bainea musti nagaukang bajiki kawajibanna mae ri bura'nenna; jari rua-rua musti massing nagaukangi kawajibanna siagang baji'. Bainea tena nakalenna koasa mae ri tubuna; mingka ia koasaya mae ri tubuna iamintu bura'nenna. Kammayatompa, bura'nea tena nakalenna koasa mae ri tubuna; mingka ia koasaya mae ri tubuna iamintu bainenna.

Le'ba' mako niballi ri Allata'ala, siagang lappasa'mi ballinnu. Lanri kammana, teako passareangi kalennu a'jari ata mae ri rupataua.