Popularne wersety biblijne z Matius 16

Udostępnij

Esigit diluk yogokikesik, at agoromi ane waganggo laguka mende yomenogo wene omanggi men yogisasike, “At ta nen an nomborlik noko dogigiluk kalok, obabut enggaerek ake endainggen kunik dogolik kagarigogo mende eti, Naʼit, yiluk togot diluk, o paga mendiyalok inarigogo mende etiat ago mendeat wolok nomborlik noko dogigiluk wisuwak o.

Nen, omanggi inom yokisik. Kat kendaga nggit yu kak, Petrus o. Nen, nggit iya yi paga kimbikogo, an nagoromi nandorlogo ʼbiyalok o negen palogo ʼbiyasi kalok, at wema paga indewerek etnogo nen obatnerogo pagisek dogogin dek o.

Nombae nggok mbogot oba mende apma ʼbiyiligogoma unggiligogoma, kunci su kuwaligogo mende kat wokisigin o. Kat nen, agat oba yoma mende pasik kagasusak dek yiluk wene mbalko kalok, mbogot oba mende nen wene mbalko kagat, yigin o. Nen, kat nen agat oba yoma pano kagasusak yiluk yisi kalok, mbogot oba mende nen pano yisi kagat, yigin o,” yiluk Petrus yogokike.

Nen, ta nen anggaerek nen, An nebe niluk dogusak warlok, yiluk ebe irli korlagin kalok, watlatluk nuk akagin o. Mende, ta nen ebe irli korligidek an nake watlago kalok, ebe irli korlagin o.

Ta nen yi mende ndi mende agat oba mende taʼbokogonat indewerek asigin mende, yabunggane ebe nuk asigin kalok, at nen, An omanggi erlok sabusogo ʼbakigi, yusak nogo? Mondok dek o. Ebe nuk asigin eti obalikmo, nena mende imbisak onggo ʼbusak nogo. Erlok dek o.

Esigit diluk yogokukama, at Yesus nen, “It nen esigit diluk yiligogi mende, kit nen, an nebe ta ambaligogi,” yiluk yogisasikemo at Simon Petrus etnogo nen, “Kat kebe, Kristus Allah iluk mondok dogoligogo mende aʼbut, nit ndil ninabuwagaluk at nen laʼbi wisigin yiluk abok yoknisasike etnogoat o,” yiluk yogokike.

Yogokikemo, at Yesus nen, “Simon Yona aʼbut nagot o. Akoni nen yokegama yegen dek o. An nombae mbogot oba mende nen yokekemo yegen kigi o. Eti paga, kakla arlenggen kasi dogono o.