Popularne wersety biblijne z YOHANES 3

Udostępnij

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

Saba' nakiringngi Allataala Ana'-Na tenniya untu' madélékiwi linoéwé, iyakiya untu' passalama'i.

Nappébali Yésus, “Ateppe'no, dé' séddi tau mulléi mancaji anggotana umma'na Allataala, rékko dé' narijajiyang paimeng.”

Tau iya mateppe'é ri Aléna dé' narihukkung. Iyakiya tau iya dé'é namateppe' ri Ana'na Allataala purani rihukkung ri Allataala, nasaba dé' namateppe' ri Ana'na Allataala iya séddi-séddié.

Rituntu'i nallalengiwi gau'éwé: Iyaro tajangngé engkani polé ri linoé, iyakiya rupa tauwé lebbi napojiwi pettangngé naiya tajangngé, saba' majai pangkaukenna mennang.

Aléna ritu harusu' pédé' penting, na iyya pédé' makurang penting.”

Tungke' tau iya pogau'é ja, nabenciwi tajangngé; dé' namaélo lao ri tajangngé, kuwammengngi pangkaukenna majaé dé' napaita.

Tau iya mateppe'é ri Ana'éro lolongengngi matu atuwong mannennungeng. Iyakiya tau iya dé'é namatinulu ri Ana'éro dé' nalolongeng atuwong. Rihukkungngi ri Allataala lettu mannennungeng.

Pada-pada Musa paénré ula tembaga ri sibatangngé aju ri padang kessi'é, makkuwatoro Ana'na Tolinoé harusu' ripaénré

Ambo'é namaséiwi Ana'-Na, sibawa pura nabbéréyang manengngi akuwasangngé ri Aléna.