Popularne wersety biblijne z Ibrani 4

Udostępnij

Aka' Bahtakaranna Puang Alataala tuho anna ma'kuasa, pahela puha nei' andana pa'dang ang pahe'la' sibali. Aka' noanna mesa pa'dang ullosa kasitammuang buku, moi lambi' tama di eti'na buku, ya' noa tunne' Bahtakaranna Puang Alataala ullosa pihki'ta anna ihsi inahanta. Yaling inde di Bahtakaranna, Puang Alataala umpalanda'mi umba noa kalaeta ang setonganna.

Dahi mala tapengkabahanii undungku'i ohko'ang kamatandeanna Puang Alataala ang punno pa'kalemu. Aka' yaho di olona la talambi' mana' pa'kalemunna ang la mekalemui ke ahai kapahalluanta.

Aka' inde Handang Pongkahana Imang ang tahannuang, ungnginsang kamalammaanta aka' hali nasa'ding ingkänna pesändä' ang tasa'ding, ampo' daine' umbabe dosa.

Dai aha ang tibuni di hao mai di matanna. Dia asanna yatoo landa' anna maleso di olona. Di olonantoo la pahallu taakui asang ingkänna pembabeta.

Dahi aha Handang Pongkahana Imang ang tahannuang ang käyyäng si'da-si'da, dianto Puang Yesus, Änä'na Puang Alataala, ang hali dai' di suruka mengngolo pano di Ambena. Dianto anna pahallui tatokei mahha' kapampetahpa'anta pano, sibaha taakui lolo taoatee Puang Yesus dianto Dehatanta.

Dahi, solasohong, la tapengkabela-belaia' anna malaingkea' ullambi' yato kapehileang, andana ahai di alla'-alla'ta ang umpellei kapampetahpa'anna sinnoa yato to Israel dolu.