Popularne wersety biblijne z Ibrani 2

Udostępnij

Puang Yesus madahha liu naonge disändä'i, dianto anna nainsangngi ungkalemui tau ang lella' disändä'i, aka' puha toe' nasa'ding Kalaena.

Yato ingkänna tau ang nasangai ”änä'” dianto hupatau ang kekalae biasa ang la mate. Dahi dianto Puang Yesus anna mentolinoi anna tuhoi sinnoa siangnga' kita' hupatau, anna malai yaling di kamateanna umpa'dai kakuasaanna Pongkahana setang, yato ang ma'pahenta di hoi' di ongeanna to mate.

Dahi, aka' Puang Yesus londo puhane' andana malaeka', pahallu liu tatokei yato kaheba ang hali tahingngi, andana tuhtuang sikahaoangngingkea' kapampetahpa'anta.

Dianto Puang Yesus anna pahallui mentolino anna napensinnoaiingkea' inde solasohonna, anna malai mendahi Handang Pongkahana Imang ang ma'kalemu anna tontong lolo ungkähäng yato kähängang ang nabea Puang Alataala anna malai umbaya' yato dosanna ingkänna tau.

Ampo' taita Puang Yesus, ang sämpäi' supu dipadihoi'ang puha andana semalaeka'ang naonge anna dinneke' di lino, anna dinoa dipadurungnging kamatandeang anna kakeangka'ang aka' madahha anna mate aka' kita'. Tahpa'etee', aka' mana' pa'kalemunna Puang Alataala lambi' nabohtu naoatee Puang Yesus la ungngolai kamateang aka' yato kamateanna la unsulängngi ingkänna hupatau.