Popularne wersety biblijne z Galatia 5

Udostępnij

Ampo' pengkähänna Inaha Masero yaling di kalaeta la ungkeboaing pembabe mapia noanna: pa'kalemu, kamasannangang, kamasahkeang, kasa'bara'ang, kamarota'ang, pembabe mapia, mala dipetahpa', kamalunä'ang inaha, ungkuasai kalae. Dai aha moi poro la mesa pahenta ang ullahang pembabe ang noa yatoo.

Dahi indee tula'ku noa inde bahtuanna: ingkänna pembabemua' la umpembabeing situhu' pantehtena Inaha Masero. Aka' ponna ke untuhu'i lolongnga', ya' dangnga' la untuhu'i pampemalanna sipa' dosanna hupatau.

Dahi, aka' puhamingkea' nabea katuhoang bakahu Inaha Masero, lambi' yaling di ingkänna pembabeta la pahallu untuhu'i petehtena.

Anna ingkänna petauanna Kristus Yesus sihapang puha tunne' dipatei yaho di kayu sitambeng sibaha, bahtuanna: dang nakuasai pangngelo' inahanna sibaha pampemala matoho ang sule di hao mai di sipa' dosanna.

Pembabena hupatau ang untuhu'i sipa' dosanna landa' liu diita, noanna: ungngindä'-indä' pa'bannetauang, ma'pihki' karake, supung untuhu'i aka ang naoa inahanna, umpenombai kaha-kaha di lino, umpake ihsang-ihsang, sikahiri'-hiri', sikalla-kalla, sikasuehe-ehe, pa'keaha'ang, umpihki' supu kalaena, dai tuho malino sibaha sola bohtona, anna umpakende' kasisähä'-sähä'ang yaling di kamesaang. Noa toe' ma'sihi ate, menu' lambi' malango, liba'-liba' ke ahai kamahoa'ang, anna senga'nake' pembabe karake ang nababe. Pano di pembabe ang noa yatoo kupakaleha boukoa' dinoa sinnoa yato ang halimokoa' kutula'ing dolu kuoatee: Menna-menna si umbabe inde kaha-kaha, inang dai la mangngala taha yaling di Kapahentaanna Puang Alataala.

Oa' ingkämmu solasohongku, halimokoa' natambai Puang Alataala la mendahi to beba'. Ampo' dai la malaa' umpake yato kabeba'ammu membabe ang situhu' sipa' dosanna hupatau. Ampo' diare', la sidulu-duluikoa' mesa anna mesa aka' pa'kalemummua'.

Aka' pampemalanna sipa' dosanna hupatau umpa'bali pangngelo'na Inaha Maserona Puang Alataala. Anna pangngelo'na Inaha Masero umpa'bali sipa' dosanna hupatau. Dahi indee derua kaha-kaha sipa'bali yaling di inahanna hupatau lambi' dai la mala dipembabeing yato ang pemala la umbabe.

Aka' ingkänna ihsinna Atohanna Musa tipungngu' tannung yaling di mesa pahenta naoatee, ”Kalemuio parammu hupatau sinnoa ungkalemui kalaemu.”

Daingkea' kita' la mala malängkä' inaha, sipi'di'-pi'di' inaha anna ma'sihi ate pano di solata.

Dinoa beba'mingkea' aka' nalahpa'mingkea' Kristus. Dahi la pahallua' untokei mahha' yato kabeba'ammu, daumpemalaa' la naposabua' sumule Atohanna Musa.