Popularne wersety biblijne z ZEFANYA 3

Udostępnij

Gata geulindong lé TUHAN Allah gata nyang peukasa. Gata meunang sabab kuasa Gobnyan. TUHAN geumbira dan meusuka cita sabab gata, dalam gaséh Gobnyan geubri ubak gata udeb barô.

Watée jih teuma teuka, peunduduek gata nyang meutabu beba Lôn peuwoe lom. Gata Ulôn peumeusyeuhu bansigöm bumoe, dan keumakmuran gata Lôn peupuléh lom.” TUHAN ka geupeugah haba.

Sabab TUHAN ka geupiôh geuhuköm gata; Gobnyan ka geu use bandum musoh gata. Gata geulindong lé raja Israel, TUHAN gata keudroe. Bak saát nyoe gata hana peureulée lé meurasa takot.

Watée jih teuma teuka nyang teugöm gata Lôn peuhanco, dan ureuëng lapée Lôn peuseulamat; bandum ureuëng nyang teuböih Ulôn peuwoe lom teuma. Keuhinaan awaknyan Ulôn ubah jeuet keuhoreumatan; dipat mantong, bahpi bansigöm bumoe, awaknyan jipeumulia dan jipujoe.