Popularne wersety biblijne z ROMA 14

Udostępnij

Sabab meunyoe Allah geupeurintah udeb sidroe-droe ureuëng, peue nyang jeuet jimakheun atawa jijieb, hana peunteng lé. Nyang peunteng na kheueh bahwa ureuëng nyan jiturot keuheundak Allah, jirasa até nyang teunang dan jiteurimong suka cita nyang geubri lé Roh Allah. Ureuëng nyang peutimang Almaseh ngon cara lagée nyan, ureuëng nyan ka jipeumangat até Allah, dan jihareuga lé ureuëng-ureuëng laén.

Meunyoe tanyoe udeb, tanyoe udeb keu Tuhan. Dan meunyoe tanyoe maté, tanyoe pih maté keu Tuhan. Ngon lagée nyan, udeb atawa maté tanyoe na kheueh milék Tuhan.

Sabab nyan tujuan tanyoe bah kheueh sabe keu hai-hai nyang teucebta keurukonan dan saléng tapeudong.

Ngon sabab nyan bék kheueh geutanyoe saléng tapeusalah. Dan useuha kheueh mangat gata bék tapeubuet peue-peue mantong nyang jeuet keusabab sidroe syedara gata saboh iman teugoda dan meudesya.

Lam Alkitab na teutuléh lagée nyoe, “Nyang sibeuna jih,” feureuman Tuhan, “tieb-tieb ureuëng teuma jiseumah sujut dikeue Ulôn; dan tieb-tieb ureuëng teuma jipeubeuna bahwa Ulôn nyoe kheueh Allah.” Ngon lagée nyan tanyoe maséng-maséng harôh tapeutanggong jaweueb peue mantong nyang tapeubuet ubak Po teu Allah.

Ureuëng nyang hana yakén keupeue nyang jipeucaya nyan harôh jiteurimong ngon gét diteungoh-teungoh Gata. Bék gata meudakwa ngon ureuëng nyan keuhai peundirian-peundirian jih nyan.

Soe kheueh Gatanyan sampoe Gata peusidang namiet ureuëng laén? Aléh namiet nyan reubah atawa hana, nyan na kheueh urosan po jih. Dan keubiet namiet nyan teuma teudong cot, sabab Tuhan hase geupeujeuet namiet nyan teudong cot.