Popularne wersety biblijne z ROMA 10

Udostępnij

Sabab meunyoe Gata tapeubeuna ngon babah gata bahwa “Isa nyan Tuhan”, dan Gata peucaya lam até teuh bahwa Allah ka geupeu udeb Isa nibak maté, ngon lagée nyan Gata teuma seulamat.

Sabab ngon até jih ureuëng meuiman, sampoe Allah geuteurimong jihnyan sibagoe ureuëng nyang jimeugét ngon Allah. Dan ngon babah jih ureuëng meungaku, sampoe jihnyan teupeuseulamat.

Nyang kheueh sabab jih manusia jeuet jipatéh watée jideungoe haba, dan haba nyang jideungoe sabab na nyang peusampoe keuhai Almaseh.

Lam Alkitab na teutuléh lagée nyoe, “Ureuëng nyang meuiman hana geubri keucewa.” Hainyan teutab keunong ateueh mandum ureuëng, sabab hana bida jih ureuëng Yahudi ngon ureuëng bansa laén. Allah nyang sidroe nyan na kheueh Tuhan keu mandum ureuëng. Gobnyan geubri beureukat nyang meulimpah ruah keu mandum manusia nyang jilakée tulông ubak Gobnyan. Lam Alkitab na teutuléh lagée nyoe, “Mandum ureuëng nyang jimeulakée ubak Tuhan, teuma geubri seulamat.”

Dan pakriban kheueh ureuëng hase jiba haba nyan meunyoe ureuëng nyan hana teuyue jak? Lam Alkitab na teutuléh lagée nyoe, “Keubit that jroh jih jiteuka ureuëng-ureuëng nyang ba Haba Gét nibak Allah!”

Teuma pakriban kheueh ureuëng hase jitawök ubak Tuhan meunyoe awaknyan gohlom meuiman? Dan pakriban kheueh awaknyan jeuet jimeuiman ubak Tuhan, meunyoe awaknyan gohlom jideungoe keuhai Gobnyan? Meunan cit, pakriban awaknyan jeuet jideungoe keuhai Tuhan, meunyoe hana nyang peurunoe?

Huköm agama ka geupeu peunoh lé Almaseh. Ngon lagée nyan tieb-tieb ureuëng nyang meuiman ubak Almaseh, hubongan jih ngon Allah jeuet keu gét lom teuma.