Popularne wersety biblijne z LUKAS 23

Udostępnij

Isa laju geumeudoá, “Ya Bapak, neupeuamphon kheueh awaknyan! Awaknyan hana jiteupeu peue nyang jipeubuet.” Peukayan Isa laju jibagi-bagi lamkawan awaknyan ngon cara jiundi.

“Peucaya kheueh,” kheun Isa ubak ureuëng nyan, “Uroenyoe gata na meusajan ngon Ulôn lam syeuruga.”

Óh lheueh nyan laju jipeugah lé ureuëng nyan, “Isa, ingat kheueh Ulôn watée droeneueh teuka sibagoe Raja!”

Dan óh lheueh nyan Isa laju geudumpék ngon su nyang meutaga, “Bapak! Lam jaroe Droeneueh Ulôn seurah droe Ulôn!” Óh ka lheueh geupeugah lagée nyan, Gobnyan pih meuninggai donya.

Óh watée troh ubak teumpat nyang jibohnan bukét “Bruek ulée”, awaknyan laju jisaleb Isa meusigoe ngon mandua droe ureuëng jeuhet nyan – sidroe blaih uneuen dan sidroe teuk blaih wie Isa.

Kira-kira poh dua blaih cot uroe timang, mata uroe hana meucahya, dan bansaboh nanggroe nyan ka habéh seupôt sampoe poh lhée seupôt. Ija Tutôb tingkab nyang na meugantung lam Baét Tuhan beukah dua.

Watée jingieng lé pang pasokan peue nyang teujadi, laju jipujoe Allah, dan laju jikheun, “Keubiet that, ureuëng nyoe hana meusalah!”