Popularne wersety biblijne z LUKAS 2

Udostępnij

Uroenyoe, di banda Nabi Daud ka lahé sidroe Raja nyang peuseulamat gata na kheueh Almaseh, Tuhan.

Teuma laju geupeugah lé malaikat nyan, “Bék teumakot! Sabab ulôn nyoe lôn teuka keuneuk jakba haba gét keu gata – haba nyang lumpah mangat até keu mandum manusia.

“Teupujoe kheueh Allah di langét nyang paleng manyang! Dan di ateueh bumoe, seujahteura kheueh manusia nyang peugalak até Tuhan!”

Isa meutamah rayeuk dan meutamah-tamah bijaksana, dan lumpah geugaséh lé Po teu Allah dan jigalak lé manusia.

Nyoe kheueh tanda jih: Gata teuma meurumpok ngon sidroe aneuëk manyak nyang teubalot ngon ija tumpée, dan teuéh lam saboh palong.”

Bak malam nyan na ureuëng-ureuëng meurabe nyang teungoh jirabe beulatang jih lam blang naleueng nyang na di daerah nyan. Hana teusangka-sangka malaikat Tuhan laju geupeuleumah droe ubak awaknyan, dan cahya trang nyang teuka nibak Tuhan laju teupanca ateueh awaknyan sampoe-sampoe awaknyan ka peungéh ngon trang, dan awaknyan lumpah teumakot.