Popularne wersety biblijne z NABI YEREMIA 3

Udostępnij

Ulôn kujok ubak gata peumimpén-peumimpén nyang taát ubak Ulôn. Awaknyan jipimpén gata deungon peunoh bijaksana dan peunoh peungeurtian.

He gata banmandum nyang ka tuwoe ubak TUHAN, tawoe kheueh! Gobnyan teuma geupeupuléh gata, dan geupeujeuet gata seutia. Gata tapeugah, “Nyoe, jinoenyoe kamoe keuneuk jak ubak TUHAN, sabab Gobnyan na kheueh Po teu Allah kamoe.

TUHAN geuyue ubak ulôn keulôn peusampoe hainyoe ubak Israel, “He Israel nyang hana seutia, tawoe kheueh ubak Ulôn! Ulôn peunoh deungon gaséh sayang dan hana siumu masa Ulôn beungéh gata.

Meungaku mantong bahwa gata ka meusalah dan beurontak teuhadab TUHAN, Allah gata. Meungaku kheueh mantong bahwa di miyueb tieb-tieb bak kayée nyang luhu gata ka tapeusampoe cinta gata ubak ilah-ilah bansa laén, dan hana ta-taát ubak peue-peue nyang Ulôn peurintah. Ulôn, TUHAN, ka Lôn peugah haba.” TUHAN meufeureuman, “He umat nyang hana seutia, tawoe kheueh ubak Ulôn! Gata na kheueh milék Ulôn. Ulôn ku cok gata, sidroe nibak tieb-tieb banda, dua droe nibak tieb-tieb kawöm, dan Lôn puwoe gata keudeuh u Bukét Sion.