Popularne wersety biblijne z KEUJADIAN 26

Udostępnij

Ulôn teuma Lôn lindong dan Lôn bri beureukat ubak gata. Banmandum wilayah nyoe teuma Ulôn bri keue gata dan ubak keuturonan gata. Ulôn teuma Lôn peutrok janji lagée nyang ka lheueh Ulôn meujanji bak ayah gata Nabi Ibrahim.

Ulôn teuma Lôn bri keugata aneuëk cucoe nyang le jih lagée bintang di langét, dan banmandum wilayah nyoe Ulôn bri ubak awaknyan. Banmandum bansa nyang na ateueh bumoe nyoe jilakée ubak Ulôn mangat Ulôn bri beureukat ubak awaknyan lagée nyang ka Ulôn bri beureukat ubak keuturonan gata. Ulôn teuma Lôn bri beureukat ubak gata, sabab Nabi Ibrahim ka jitaát ubak Ulôn dan jipeulara banmandum huköm dan peurintah Ulôn.”

Óh lheueh nyan gobnyan laju geuminah nibak teumpatnyan laju geukhueh teuma mon nyang keu lhée. Goenyoe hana jiteuka dakwa ngon dakwi. Sabab nyan Nabi Ishaq geuboh nan mon nyan, “Mon Beubaih”. Kheun gobnyan, “Jinoenyoe TUHAN ka geubri ubak geutanyoe beubaih keu jeuet tatinggai di nanggroe nyoe, dan tanyoe teuma jeuet keu ureuëng nyang makmu nibak teumpat nyoe.”

Hai nyan geupeubuet sabab TUHAN ka geupeuleumah droe ubak gobnyan ngon feureuman TUHAN lagée nyoe, “Bék gata jak u nanggroe Meusé; tinggai mantong di nanggroe nyoe, lagée nyang ka Ulôn peurintah ubak gata.

Dan Nabi Ishaq pi laju geupeudong miseubah dan geuseumah TUHAN nibak teumpat nyan. Gobnyan geupeudong khimah disinan dan namiet-namiet gobnyan laju jikhueh mon nyang laén.