Popularne wersety biblijne z YEHEZKIEL 33

Udostępnij

Peugah kheueh ubak awaknyan bahwa deumi Ulôn, Po teu Allah nyang udeb, TUHAN Nyang Mahamanyang, Ulôn hana galak meunyoe ureuëng jeuhet maté; seubalek jih Ulôn harök jitinggai desya-desya jih mangat jihnyan teutab udeb. He bansa Israel, tapiôh kheueh tapeubuet jeuhet! Pakon gata keuneuk maté?

He manusia fana, gata Lôn baiát jeuet keu ureuëng kawai bansa Israel. Tajak peusampoe kheueh ubak awaknyan haba peuingat nyoe

Meunyoe gata tapeuingat ureuëng jeuhet nyan dan jihnyan hana jitem piôh jipeubuet jeuhet, ureuëng nyan maté sibagoe ureuëng meudesya, teuma gata keudroe seulamat.”

Teuma meunyoe ureuëng jaga nyan na jikalon musoh ka jiteuka teuma hana jipeumusu tanda bahya, laju lé musoh jipoh maté ureuëng-ureuëng nyang meudesya nyan, tanggong jaweueb ateueh maté awaknyan Lôn tuntot bak ureuëng nyan.

Barang sigasoe na jideungoe su tanda bahya nyan teuma hana jipakoe, dan musoh teuka laju jipoh maté ureuëng nyan, dan jihnyan laju maté, nyan sabab salah jih keudroe. Meunyoe ureuëng nyan jipakoe bak su bahya nyan, pasti ureuëng nyan seulamat.