Popularne wersety biblijne z YEHEZKIEL 18

Udostępnij

Ulôn hana galak meunyoe sidroe ureuëng maté. Tinggai kheueh bandum desya-desya gata jeuet gata teutab udeb. Ulôn, TUHAN Nyang Mahamanyang ka Lôn peugah haba.”

Ureuëng nyang jipeubuet desya, ureuëng nyan kheueh nyang maté. Aneuëk hana harôh jitanggong akibat desya nyang jipeubuet lé ureuëng syiek jih; seubalek jih, ayah pi hana harôh jitanggong akibat nibak desya-desya nyang jipeubuet lé aneuëk jihnyan. Ureuëng nyang jroh meuteumé ganjaran nyang jroh sabab buet jihnyan nyang jroh. Dan ureuëng nyang jeuhet meudeurita akibat nibak buet jih nyang jeuhet nyan.

Piôh laju bandum buet nyang jeuhet nyang gata peubuet dan bah kheueh até dan pikeran gata jeuet keu barô. Pakon gata harôh maté?

Peu kheueh tapike Ulôn, TUHAN Nyang Mahamanyang galak meunyoe ureuëng nyang jeuhet maté? Meubacut pih hana! Ulôn meuharab mangat ureuëng nyan jitinggai bandum desya-desya jihnyan mangat jihnyan teutab udeb.

Meunyoe sidroe ureuëng jeuhet hana le jipeubuet desya, dan ka jipeuphon taát ubak huköm-huköm Lôn, dan jipeubuet buet-buet nyang gét dan beutôi, ureuëng nyan hana maté.

Ureuëng jipatuh peue nyang Ulôn peurintah dan jitaát banmandum ubak huköm-huköm Lôn. Ureuëng nyang lagéenyan kheueh nyang jujoe dan teutab udeb. Ulôn, TUHAN Nyang Mahamanyang ka geupeugah haba.