Popularne wersety biblijne z Mǎkè 2

Udostępnij

Tà Ɔ wɔ̌naa tèǒ, Ɔ̀ tùa u kɛ̀ɛn Ɔ je, “Nyopòà üǔ kmaa u se dɛjǐɔ sòa, kɛɛ nyopòà kmɛɛ nù sòɛ dɛjǐɔ. Ě seɔ kmɔ̌ɔ mɔ̀ di keǒ Bo da jebo siǐn nyo u mǐ uu wlè bo bitǐ, kɛɛ Ě diě keǒ Bo da kpni kukwǐ nyo u mǐ uu wlè bo bitǐ.”

Tà Jùsu jěa uu tè wlò popoɛ taeǒ, è kě ɔ dɛ̌a bo klɔ̀ɔ jbɛjuǒ je Ɔ je, “Ně jǔ, Ě poo nè kpni kukwǐi tè le wlò.”

È kě Jùsu dɛ̌a u je Ɔ je, “Dɛɛ doǒ nɛ̀ ɛ mono, Nyesoaa defɛ chnɛ̀ jlǒ waěà Ɔ nua nɛ ɛ mǐaǒ tùonyugbe dɛ bo po, tùonyugbe sea nuu nu keǒ ɔ mǐaǒ waěǒ dɛ bo po.

Kɛɛ nyopòo fòfo tè uǔ jěa fɔ̌ u mǐaǒ Ɔ mɔ̀ nyni. Tèǒ nì kɔn tè u jǎlaě koǔ dlǒ ǔ knana ɛɛ dlǒ wakǎ peǎn je. Wɔnʼǒ u sàlaa nɛ̀ kɔn jleě keǒ u tìeeaǒ bo klɔ̀ɔ jbɛjuǒ keǒ ɔɔ kɛn bo pɛn chèen kɛn keǒ tàǒ Jùsu mɛtɛɛaǒo je.

Ě jlɛ̌ ba ji ɛ ɛ̈ moo Jbɛjuu Jǔà Ɔ kɔn kpě keǒ Bɔ poo kpni kukwǐi tè wlò le kělɔ kmɔ̌ɔ mɔ̀.” Tèǒ nì kɔn tè Ɔ chèa bo klɔ̀ɔ jbɛjuǒ ja Ɔ je, “Bo tmɔɔ̌ mò, dǔ jemǒ, kpa nè chèenʼǒ, muě koǔ bo!”

Ii sɔ̌nʼà Bo jě dɛ tae se kɛ mǒo kma nyu bɔ boɔɔ bo klɔ̀ɔ jbɛjuà je bɛ̈ kpaa tùɔn? Deě Bo nu kɛ Ě poo nè kpni kukwǐi tè le wlòe? Deě Bo nu sɔn mǒ, dǔ nè chèenʼǒ mǒ nà?

È tǐi doo tǐ jleě è nɔ̀ǒ sɔna mǒ klùba ɔ̌ dǔa ɔɔ chèenʼǒ mǒ ɔ̌ pěaǒ plomǒ ɔ̌ nɛa keǒ nyopò wùɛǒ jemǒ, ì kàea uu wùɛǒ le wan ǔ pea Nyesoaa nynɛ̌ le, kě u dɛ̌a u je, “Ä sěɛlǎ dɛ taeà jě!”