Popularne wersety biblijne z مزگینیا یوحەننای 6

Udostępnij

عیسای بەرسڤا وان دا: «ئەزم نانێ ژیانێ، ئەوێ بهێتە نك من چ جاران برسی نابیت و ئەوێ باوەریێ ب من بینیت، چ جاران تێهنی نابیت.

ئەوێ ژیانێ ددەت گیانێ پیرۆزە، لێ لەش چ مفای نادەت. ئەو ئاخفتنێن من بۆ هەوە گۆتین، ئەو ژ گیانێ خودێنە و ژیانێ ددەن.

ژ بۆ وێ خوارنا درزیت كار نەكەن، لێ ژ بۆ وێ خوارنێ كار بكەن، ئەوا بۆ ژیانا هەروهەر دمینیت، ئەو خوارنا كوڕێ مرۆڤ دێ دەتە هەوە، چنكو خودایێ باب ئەو یێ موهر كری.»

چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»

عیسای بەرسڤا وان دا و گۆت: «كارێ خودێ ئەڤەیە: هوین باوەریێ ب وی بینن، ئەوێ كو وی هنارتی.»

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

شەمعون پەترۆسی بەرسڤا وی دا: «خودان، ئەم دێ چینە نك كێ؟ پەیڤێن ژیانا هەروهەر یێ ل نك تە،

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

كەس نەشێت بهێتە نك من، ئەگەر باب، ئەوێ ئەز هنارتیم، وی رانەكێشیت، ئەز ژی دێ ل رۆژا دویماهیێ وی ژ مرنێ راكەم.

چنكو نانێ خودێ ئەوە یێ ژ ئەسمانی دهێتە خوارێ و ژیانێ ددەتە جیهانێ.»

ئەزم نانێ ژیانێ.

پاشی عیسای نان وەرگرتن و سوپاسیا خودێ كر، پاشی ل سەر ئەوێن روینشتی بەڵاڤ كر، هەروەسا ماسی ژی، هندی وان ڤیای. دەمێ تێر بووین، گۆتە شاگردێن خۆ: «بەرمایكان خڕڤە كەن، دا تشتەك ب هەروە نەچیت.»

دەمێ شاگرد نێزیكی پێنج شەش كیلۆمەتران پێشڤە چووین، دیت عیسا یێ ل سەر ئاڤێ بڕێڤە دچیت و نێزیكی بەلەمێ دبیت، ئینا ترسیان. لێ وی گۆتە وان: «ئەزم، نەترسن!»