Popularne wersety biblijne z Yuḥanna 12

Udostępnij

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Wenni itexsen ṯuḏarṯ nnes, ataf at ixsar. Wenni itƹiffan ṯuḏarṯ nnes ḏi ddunect-a, ataf at yaf ḏi ṯuḏarṯ n ȓebda.

Aqa tesȓam ȓḥaqq: Ṯaḥebbuct n yirḏan meȓa war twaẓẓu ca ḏi ṯmurṯ iƹni meȓa war twanḍeȓ ca, ataf aḏ teqqim ḏ ṯaḥebbuct waha. Meȓa twanḍeȓ aḏ tuc aṭṭas n ȓḥabb.

Usiɣ-d ɣar ddunect-a ḏ nnur ḥima wenni iy zzayi yumnen war itɣimi ca ḏi ṯaǧest.

Wenni ɣa isȓen i wawaȓ inu war ḏas itṭiƹi ca ataf nec war ṯ tḥisibeɣ ca. Aqa nec war d usiɣ ca aḏ ḥasbeɣ ddunect; Lla, usiɣ-d ḥima aḏ senjmeɣ ddunect.

Ṯeysi-d Maryam azyen n litru n waman n lwarḏ ṣfan zeg yinni iɣȓan s waṭṭas, ṯeḏhen-as i Ƹisa iḍaren nnes, ṯemseḥ-as iḍaren nnes s ucewwaf nnes. Ṯaddarṯ marra ṯeccur s arriḥeṯ n waman nni n lwarḏ.

Ysin afriwen n ṯcejjura n tmar bac azzayes reḥben ffɣen aṯ ȓqan s ȓefraḥeṯ. Tƹeyyaḍen qqaren lḥamdu i Arebbi! Ssaƹḏ n wanita iy d yusin ƹlaḥsab isem n Siḏi Arebbi, qa netta ḏ azeǧiḏ n Ayṯ-Israʼil!

Indeq-d Ƹisa inna-asen: "Ṯusa-d ȓweqṯ aḏ itwarfeƹ Mmis n bnaḏem.